grandhunters

منتدى الصيد المصرى (منتدى عربى يتناول كل ما يخص الصيد والاسلحه)


    التطعيمات واستصدار رخص الكلاب

    شاطر
    avatar
    المستشار
    Admin
    Admin

    عدد المساهمات : 241
    نقاط : 100340
    السٌّمعَة : 3
    تاريخ التسجيل : 19/11/2010

    التطعيمات واستصدار رخص الكلاب

    مُساهمة من طرف المستشار في الأحد يناير 02, 2011 2:06 pm

    احبائي اعضاء ومشرفي منتدي
    حبيت اعمل الموضوع ده ليخدمكم ويخدم كل من يريد معرفة
    ما هي شهادات التطعيمات الخاصة بالكلب واذ حبيت تضع عرض للبيع
    يجب ان يشمل علي هذه الشهادات والرخص
    كي يزيد من قيمة موضوعك وكل كلب له شهادات وله ترخيص تكون مكانته مرتفعة
    ويزداد من قيمته وغير كده وكده التطعميات دي طبعا بتقي وتحمي كلبك
    من الكثير من الامراض الذي يشتكي منها الكثير من المربين

    مثال علي ذلك :-

    اشتريت جرو عمره شهرين بلاك جاك ولظروف السفر تركتها عند صديق لمده اسبوع وللاسف استلمتها فقط امس وعندها نزله برد شديده واسهال وكحه والحمد لله حالتها تحسنت اليوم ولكن واضح عليها الضعف وفقد الشهيه للأكل ولا يوجد لها اى نشاط
    أرجو الأفاده
    ساعدوني رجاءاً
    اليوم و انا افقد الكلب عندي
    شفت منطقه فراغ في شعره فوق الاذن اليسرى
    وجلده لونه ع بني و قاسي
    شكيت بالجرب
    و لما بحثت عالانترنت تأكدت انه الجرب


    كمان ااي حد عنده اي استفسار او تساؤل بخصوص التطعيمات
    و التحصينات الخاصه بالكلب بتاعه ان شاء الله
    يلاقيه في الموضوع ده

    في بداية الموضوع الكل هيكون عنده سؤال نفسه يلاقي ليه اجابة
    هو انا لازم اطعم الكلب بتاعي ؟
    طبعا الاجابه نعم او بالتاكيد لاننا لازم نطعم الكلاب بتاعتنا و بشكل منتظم و في المواعيد المحدده
    حرصاً علي سلامتها و سلامتنا احنا كمان
    حتي لو الكلب مبيخرجش من البيت نهائي لان في امراض بتنتقل بين الكلاب
    من مسافه تصل الي 2 كم ولا تنسوا ان المحيط الخارجي
    والجو واحد من اهم العوامل التي تجلب الامراض .... حمانا الله

    دلوقتي الكل عاوز يعرف ايه هيا التطعيمات اللازمه للكلب علشان ياخدها
    اقول ولا ايه ؟؟
    ايكد كل واحد خايف علي كلبه وعلي نفسه واسرته لازم يكون عاوز يعرف
    الحكايه بسيطة جدا ان شاء الله ...

    (1) بياخد الكلب تطعيم يسمي < الثماني > اول لما يتم 45 يوم
    وده ضروري جداااااَ لانه بيحمي الكلب من 8 امراض مره واحده ومنها الدستمبر
    الي الكل بيخاف منه
    و بيبقي ثمن الحقنه ديه في حدود 61:70 جنيه وثمن الجمله في حدود 50 جنيه
    و ده طبعاً بيختلف من مكان لمكان

    (2) التطعيم الثاني بيبقي بعد مرور 21 يوم من الحقنه اللي فاتت < الثماني >
    ودي جرعه تنشيطيه برده ثماني
    عشان يبقي كده حصنا الكلب بتاعنا كويس جداً من امراض كتيره ....
    بعض الناس تقول مش لازم ياخد الجرعه التنشيطيه ديه ...
    ديه مصاريف علي الفاضي ...... بس طبعاً يا جماعه الكلام ده غلط
    و الجرعه التانيه مهمه جداً جداً

    (3) اما بالنسبة لثالث تطعيم بقي و ده الاخير في سن من ( 4 : 6 ) شهور ...
    بيبقي تطعيم للكلب ضد مرض السعار و ده تطعيم مهم جدا
    و سعره في حدود 45 جنيه لانه بيحمي كلبك في حاله انه اتعض من كلب اخر غريب ....
    و كمان بيحميك انت كمان لان هناك اناس كتيره اوي لا تعرف ان السعار
    من الامراض المشتركه بين الكلاب و الانسان
    يعني لو حضرتك اتعضيت من كلب مسعور انت ايضا سوف ينتقل اليك مرض السعار

    لانه بيبقي محمول في لعاب الكلب
    و بينتشر في دمك الي ان يصل للمخ و تبدأ الاعراض تظهر و طبعاً لو ملحقتش نفسك

    لا قدر الله بيؤدي للوفاه ( ربنا يسترها معانا كلنا ) .....
    بس احب اقولك ان قبل الوفاة بيحصل ليك حاجات كتيره اوي ليك بتعملها
    بتعض ناس كتير بدون رحمة بجد

    و بمجرد تطعيم الكلب ضد مرض السعار يتيح لك انك ترخص الكلب

    دلوقتي بقي ناتي الي الرخصه
    هنعرف مع بعض يعني ايه رخصه ولازمتها ايه ....

    الترخيص عباره عن حلقه معدنيه بتعلقها في طوق الكلب بتستلمها من مديريه الطب البيطري
    بمجرد انك توريهم انك مطعم الكلب بتاعك ضد السعار
    و بتدفع رسوم بسيطه ....



    و فائده الترخيص ده بقي كذا حاجه :
    (1) لو الكلب بتاعك عض حد غريب ميبقاش فيه مشكله او خطر قانوني عليك بأي شكل

    (2) لو اي حد قتل الكلب بتاعك باي شكل حتي لو كانت دوريات الشرطه
    بتاعت الكلاب اللي بتمشي تقتل في الكلاب ديه ..
    بيبقي من حقك انك ترفع قضيه عليهم و تطالب بتعويض
    ارجو ان الموضوع يكون نافع لكل محبى هوايه تربيه الكلاب



    منقول للافاده


    _________________
    وما رميت اذ رميت ولكن الله رمى
    المستشار
    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    Golden Eagle

    عدد المساهمات : 57
    نقاط : 82
    السٌّمعَة : 3
    تاريخ التسجيل : 30/12/2010

    رد: التطعيمات واستصدار رخص الكلاب

    مُساهمة من طرف Golden Eagle في الأحد يناير 02, 2011 11:01 pm

    تسلم ايد حضرتك مجهود رائع
    Very Happy cheers Very Happy
    avatar
    smsm

    عدد المساهمات : 17
    نقاط : 19
    السٌّمعَة : 0
    تاريخ التسجيل : 29/12/2010

    رد: التطعيمات واستصدار رخص الكلاب

    مُساهمة من طرف smsm في الإثنين يناير 03, 2011 2:24 am

    كونت محتاج فعلا الموضوع تا شكرااا ليك جداااا
    avatar
    محمود5555

    عدد المساهمات : 24
    نقاط : 24
    السٌّمعَة : 0
    تاريخ التسجيل : 31/12/2010

    رد: التطعيمات واستصدار رخص الكلاب

    مُساهمة من طرف محمود5555 في الإثنين يناير 03, 2011 6:46 am

    شكرا يا محمد بك الموضوع فعلا مهم جدا

    hema777h

    عدد المساهمات : 2
    نقاط : 2
    السٌّمعَة : 0
    تاريخ التسجيل : 25/04/2011

    رد: التطعيمات واستصدار رخص الكلاب

    مُساهمة من طرف hema777h في الإثنين أبريل 25, 2011 1:40 pm

    شكرااااا علي المعلومات القيمة

      الوقت/التاريخ الآن هو الجمعة أكتوبر 20, 2017 7:27 pm