grandhunters

منتدى الصيد المصرى (منتدى عربى يتناول كل ما يخص الصيد والاسلحه)


    ابقى اسمع الكلام بعد كده

    شاطر
    avatar
    hoka

    عدد المساهمات : 40
    نقاط : 47
    السٌّمعَة : 0
    تاريخ التسجيل : 31/12/2010

    ابقى اسمع الكلام بعد كده

    مُساهمة من طرف hoka في الجمعة يناير 14, 2011 5:31 am

    سلام عليكم
    انهارده انا جايلكو بموضوع مهم جدا جدا جدااااااااااااااا
    هو عن تجربه شخصيه واعتقد انها عامه بس اسمعو واحكمو بعدين
    انا انهارده مكنتش خارج اصطاد وقلت اعقل شويه وانتبه للامتحانات
    بس قلت لنفسى يا واد يا محمود كمان يومين هاتشتاق للصيد ومش هاتعرف تعمل حاجه ولا هاتعرف تزاكر يللا خد الموزه (البندقيه بتاعتى يعنى) وانزل Very Happy
    وفعلا وقد كان بس للاسف المره ديه ضربت بالرش المصرى اللى اسمه عين الشمس مش بالماستر بوينت بتاعى
    بصو بقى النتيجه
    اولا نص العلبه خلص من اول ساعتين والفروض ان العلبه ديه 200 بس انا حاسس انى ضربت 30 رشه فقط
    ثانيا اليمامه كانت بتبقى واقفه قدامى على بعد 3 متر واضربها والنشنكان فى عينى وتيجى جنبها Shocked
    نيجى لحاجه تانيه
    اليمامه تبقى واقفه على مسافه 15 متر واضرب عليها الرشه تيجى تحتها مره وفوقيها مره وجنبها مره
    من الاخر اتخنقت وبقيت انفخ واشتم فى الرش والبندقيه
    والالعن من كده ان فيه راجل الله يسامحه ادانى حته عين محترمه من اول يمامه وقعتها
    بس الغريب اللى هايجننى
    ان نفس الرش ضربلى يمامه على مسافه 30 متر تقريبا او ارتفاع 6 ادوار ونزلها مقفوله
    (بس طبعا فوق السطح مش فى ايدى Crying or Very sad )
    نيجى بقى للفاجعه
    الرشه علشان ضعيفه جدا وبتطبق بسرعه كان بتخبط فى حيطه مثلا تقوم موقعه حته منها وترد عليا تانى
    بجد انا كان نفسى ما اخرجش انهارده خالص واستنى لحد لما اخلص الامتحانات
    المهم بقى علشان انا رغاى بس بجد من قهرتى ونرفزتى انهارده
    العنوان هو ابقى اسمع الكلام لان الخبره فى المنتدى قالولى من زمان استخدم مستورد وانا عاندت وقلت شجع منتج بلدك
    ودلوقتى بس عرفت السبب وعرفت انى كنت مغشوش وبخدع نفسى
    وكفايه كده انهارده
    بس معلش بالمناسبه
    ضربت انهارده طول اليوم على حوالى 30 يمامه وقعت منهم 3 بس وخلصت علبه رش مكتوب عليها 200 رشه (مصرى طبعا)
    سلام عليكم
    avatar
    the king angel

    عدد المساهمات : 55
    نقاط : 66
    السٌّمعَة : 0
    تاريخ التسجيل : 30/12/2010
    الموقع : grandhunters

    رد: ابقى اسمع الكلام بعد كده

    مُساهمة من طرف the king angel في الجمعة يناير 14, 2011 9:00 am

    يباشا في علبه بـ 2 جنيه ونص
    عيار 5.5 عين الشمس تظل هي الخيار الافضل للحجه رمسيس تبعي
    جربت مارسمان ونوع تاني كويس مش فاكر اسمه
    لكن بصراحه عين الشمس كانت بتعطيني قوه اختراق اعلي بصراحه
    وكمان البندقيه مش قويه اوي فبالتالي المقذوف لما يكون مريح بتيرح معاك في الضرب
    وبعدين البندقيه علي حسب متعودها
    انته مدلع بندقيتك دي مشكلتك يمان ههههههههههههههه
    بس والله حاسس بيك انا حموت علي طلعه صيد لكن الامتحانات
    ربنا يوفقنا جميعا
    avatar
    hoka

    عدد المساهمات : 40
    نقاط : 47
    السٌّمعَة : 0
    تاريخ التسجيل : 31/12/2010

    رد: ابقى اسمع الكلام بعد كده

    مُساهمة من طرف hoka في الجمعة يناير 14, 2011 12:29 pm

    يا باشا الماستر بوينت اللى هو جامو بيدى اختراق اكبر وانا مجربه انما عين الشمس ضعيفه ومش بتدى اختارق لكن فقط تدمير للمكان اللى بتصيبه ومع حاجه زى الرمسيس مهما كانت قوتها مش هاتعمل حاجه لدرجه انى ضربت على يمامه 3 رشات وانا واثق انهم اصابوها وللاسف طارت وهى مصابه
    بس اطمن البندقيه لما تدلعها هاتدلعك وتكيفك ع الااااااااااااااااخر
    Very Happy
    avatar
    rock

    عدد المساهمات : 50
    نقاط : 68
    السٌّمعَة : 0
    تاريخ التسجيل : 31/12/2010
    العمر : 31

    رد: ابقى اسمع الكلام بعد كده

    مُساهمة من طرف rock في الجمعة يناير 14, 2011 12:46 pm

    السلام عليكم ... تعيش وتاخد غيرها يا حوكا ... هههه... وانت كنت هتعمل ايه ... لما قلنا هنروح نجيب رش كانت المحلات قفلت .... هههه .... ولا يهمك .... الجمعه الجايه هعيشك رحله سوبر ..
    تحياتى .
    avatar
    hoka

    عدد المساهمات : 40
    نقاط : 47
    السٌّمعَة : 0
    تاريخ التسجيل : 31/12/2010

    رد: ابقى اسمع الكلام بعد كده

    مُساهمة من طرف hoka في الجمعة يناير 14, 2011 5:05 pm

    حبيب هارتى رووووووووووك
    يا باشا مش مشكله جمعه ولا رحله المهم ان البندقيه نفسها تبقى كويسه
    وربنا يجيب اللى فيه الخير دايما
    بس صحيح كلمه حق
    انا احلى ضربات ضربتها كانت بالمصرى بس مش بتاع دلوقتى كان من 3 سنين فاتو وبنفس البندقيه وهى ضعيفه حتى وكنت ببدع بيه
    انما دلوقتى فالرشه بقت ضعيفه جدا ووحشه جدا جدا
    قد اكون انا ظالم بسبب استخدامى نوع ردئ منه
    لكن نفس الراجل اللى بجيب من عنده طول ال5 سنين اللى فاتو والله
    يللا ربنا يهدى البلد كلها ويتقو الله فى عملهم
    سلام عليكم

      الوقت/التاريخ الآن هو الإثنين أكتوبر 23, 2017 11:17 am