grandhunters

grandhunters

منتدى الصيد المصرى (منتدى عربى يتناول كل ما يخص الصيد والاسلحه)

    كرال التركية

    شاطر

    مؤنس

    عدد المساهمات: 12
    نقاط: 18
    السٌّمعَة: 0
    تاريخ التسجيل: 12/01/2011
    العمر: 39

    كرال التركية

    مُساهمة من طرف مؤنس في السبت يناير 22, 2011 9:36 am

    السلام عليكم اخوانى العضاء
    انا عاوز نوسع النقاش حول البندقية الكرال التركى فقد كثر الكلام حول هذه البندقية من حيث الكفائة والقدرة والجودة وتضاربت الاقوال ما بين معارض ومايد ارجو من اهل الخبرة من الاعضاء الكبار وخيرة صيادين مصر ان نوضح وناخز قربار جماعى هل البندقية قيمة وجديرة ان نتعامل معها ام يضرب بها عرض الحائط ولكم منى وافر الاحترام والتقدير

    galal khalifa

    عدد المساهمات: 604
    نقاط: 773
    السٌّمعَة: 4
    تاريخ التسجيل: 23/11/2010
    العمر: 50
    الموقع: القاهرة

    رد: كرال التركية

    مُساهمة من طرف galal khalifa في السبت يناير 22, 2011 10:17 am

    مؤنس كتب:السلام عليكم اخوانى العضاء
    انا عاوز نوسع النقاش حول البندقية الكرال التركى فقد كثر الكلام حول هذه البندقية من حيث الكفائة والقدرة والجودة وتضاربت الاقوال ما بين معارض ومايد ارجو من اهل الخبرة من الاعضاء الكبار وخيرة صيادين مصر ان نوضح وناخز قربار جماعى هل البندقية قيمة وجديرة ان نتعامل معها ام يضرب بها عرض الحائط ولكم منى وافر الاحترام والتقدير

    الاخ العزيز المحترم مؤنس صباح الفل
    بطبيعة الحال الموضوع الي انت بتتكلم علية مهم جدا جدا واحنا سواء في المنتدي ( الله يرحمة )
    وحتي هنا وفي اي مكان تم ماقشة لنقاط عدة في هزة البندقية ويمكن مراحعة لردي علي الاستاذ ايهاب في ذات الموضوع .
    كل المؤيدون لهذة البدقية هما التجار وانا لسة بقول انها بالنسبة لسعرها الزهيد جدا جدا جدا جدا جدا تعتبر احسن بندقية قي مصر اما عن عيوبها فحدث ولا حرج ..
    والدليل علي ذلك ان غالبية من اشتراها يريد ان يبعها بعد 4 شهور استعمال ولك الشكر علي الموضوع .......

    galal khalifa

    عدد المساهمات: 604
    نقاط: 773
    السٌّمعَة: 4
    تاريخ التسجيل: 23/11/2010
    العمر: 50
    الموقع: القاهرة

    رد: كرال التركية

    مُساهمة من طرف galal khalifa في السبت يناير 22, 2011 12:34 pm

    دا يا مؤنس موضوع ومشاركة ليا قديمة

    الاخوة الاحباء علي الرغم من ان في هذا الموضوع اكثر من 40 رد الا اني ماكنتش عايز ارد منعا لتفسير الامور علي هوا بعض ضعيفي الانفس والتي تطلق العنان الي الافكار والمهاترات الكثير والكثر
    تكلمت علي عذة البنادق سابقا وقولت انها قوية جدا ولكن الافنش بتاعها فية بعض المشاكل ( الدبشك حاد الملمس -- المسامير الامامية ضعيفة علي حجم و قوة البندقية ودية معلومة جديدة للناس الي جربتها ) ولكني اريد ان اسأل الاخوة والجميع عن بعض الاسئلة اولا وبعد ذلك
    1- هل توجد قطع غيار اصلية لها متوفرة ( دراع -- تعمير سوستة - جلبة - ماسورة ) ؟
    2- هل قوتها مستمرة ام بعد فترة سوف يضعف ؟
    3- هل تم تجربتها في مصر حوالي سنة مثلا ؟
    4- هل سعرها مناسب بالنسبة الي خامتها او قوتها ؟
    تعالوا نفترض توفيق بعض قطع الغيار الشبية لها ( سوستة جامو - او جلبة نوركا او جامو ) يبقا البندقية دخل فيها الابتكار المصري وطبعا الابتكارات دية غير محسوبة ولا تخضع الي اي نوع من المقاييس العلمية الدقيقة بمعني ادق ممكن البندقية تخرب وتبوظ خالص ((( وضاعت فلوسك يا صابر )))
    واحنا لسة ماجربناش البندقية لفترة كافية علشان نحكم ولا علي الخامات ولا مناسبة سعرها
    وفي سؤال مهم جدا جدا عايز اطرحة ( البنادق تركية بنت تركية من اب وام تركيين ) صح انا متفق معاكم طيب لما هي تركية مقلدين الجامو لية يا جماعة الخير خشوا وشوفوا البنادق التركي ( الهاتسن ) عاملة ازاي وقوتها ازاي تركيا من البلاد المتقدمة في مجال انتاج الاسلحة بدرجة مخيفة جدا ولما تعمل حاجة ها تكون مش زي دية خالص ولكن هذا لايمنع ان الي عايز يشتريها يشتريها لانها مش وحشة احنا بنقول ملاحظات لتوعية الناس ..
    وعاي فكرة هي موجودة عند الحاج محمد فتح الله بشلرع رمسيس وفي ناس عرضاها للبيع علي مصراوي وب 1150 جنية بس ..
    انا لما قولت رائ عملت مقارنة بينها وبين النوركا والجامو لا اكثر ولا اقل .....
    وعايز اختم كلامي بحاجة مهمة جداجدا لاتوجد بندقية ضعط هواء خالية من العيوب بما فيهم اقوي البنادق علي مستوي العالم واشكركم جميعا
    رد مع اقتباس

    galal khalifa

    عدد المساهمات: 604
    نقاط: 773
    السٌّمعَة: 4
    تاريخ التسجيل: 23/11/2010
    العمر: 50
    الموقع: القاهرة

    رد: كرال التركية

    مُساهمة من طرف galal khalifa في السبت يناير 22, 2011 12:39 pm

    ودا رائ عضو اشتراها
    من الاسكنرية واسمة عادل
    عيب جديد أكتشفته مع أستعمال البندقية المسمارين الأماميين المثبتين للدبشك فى السلاح بيتفكوا مع الضرب من قوة البندقية مما يؤثر فى النيشان.
    أنا فاكر أن فى نوع معجون فى أنبوبة صغيرة لونه أزرق شفاف كانوا بيستعملوه لتسبيت المسامير فى مواتير السيارات أنا مش فاكر أسمه لكن ح أبحث عنه فى محلات قطع غيار السيارات (لو حد عارف أسمه ياريت يكتبه لى).
    لو حد من خبراء المنتدى يعرف طريقة أفضل لتسبيت المسامير ياريت يتكرم ويقولنا عليها.
    لو أتضح لى أى عيوب تانية حكتبها فى نفس الموضوع.
    صوت الفرقعة Dieseling أختفى وصوت أحتكاك دراع التعمير الداخلى أصبح أقل ولكن مازال موجود اخف من الأول.

    the king angel

    عدد المساهمات: 55
    نقاط: 66
    السٌّمعَة: 0
    تاريخ التسجيل: 31/12/2010
    الموقع: grandhunters

    رد: كرال التركية

    مُساهمة من طرف the king angel في السبت يناير 22, 2011 3:37 pm

    تمام مفيش كلام بعد كلام العمده
    ولو اني برضو مجربتهاش ولكن من خلال الاطلاع والمتابعه اسمحلي انقل ايضا بعض التجارب
    انا كنت فاكر الاستاذ جلال وهوه بيستشهد بالسرعه لما الناس اشترتها بـ 1700 و1600 ونزلت الي 900 جنيه واهوه علي عينك يتاجر
    وكمان بالاضافه الي ما ذكره الاستاذ جلال من عيوب
    الا اننا لا ننكر ان لها مميزات
    فمثلا اهتم الاخوه الاتراك ودي حاجه اتعلموها من الصينين اللمسه الاخيره بغض النظره عن الخامه والجوده
    النشينكان جميل جدا
    الشكل والمظهر وخاصه الاسود تحفه عاجبني اوي
    وبعدين برضو نرجع ونقول كل واحد علي اد فلوسه وامكانياته
    مثلا لو انا مش حقدر ادفع 4000 او 6000 في بندقيه هاي بور
    ممكن اشتري دي بألف واحد وتشتغل معايا شويه
    وبعدين نشوف الابتكارات المصريه نشتري ليها سوسته
    ونفادي حته المسامير الاماميه
    وحتكون بندقيه شغاله مش حتقولك لا يعني لما تصرف عليها حتقل تحت امرك
    انا شايف في الاول والاخر هيه حسبه ميزانيه
    ربنا فاتحها عليك ماشاء الله اشتري حاجه نضيفه تعيش معاك
    مستوره زي حلاتي بلاش ديانا 54 او 52 وخليك في حته تركي
    او بام 21 يعني نرجع ونقول اهم حاجه الانسان يعرف ازاي يتكيف مع السلاح ويفهمه ويعرف ازاي يكون صياد ولو بأبسط الوسائل


    ....مجرد وجه نظر....ـ

    gsober

    عدد المساهمات: 43
    نقاط: 45
    السٌّمعَة: 0
    تاريخ التسجيل: 06/01/2011

    رد: كرال التركية

    مُساهمة من طرف gsober في الأحد يناير 23, 2011 12:04 am

    انا لياراى فى الموضوع طالما احسن من الرمسيس خلاص

    gsober

    عدد المساهمات: 43
    نقاط: 45
    السٌّمعَة: 0
    تاريخ التسجيل: 06/01/2011

    رد: كرال التركية

    مُساهمة من طرف gsober في الأحد يناير 23, 2011 12:21 am

    انا كنت هجيب رمسيس جديده ب500 ولا ب600 ونمره واحد
    دفعت 1000 وجبت بندقيه نمره 2 وسريعه بالنسبالى افضل حتى اتعلم الرمايه صح واجيب حاجه انجليزى او المانى

    galal khalifa

    عدد المساهمات: 604
    نقاط: 773
    السٌّمعَة: 4
    تاريخ التسجيل: 23/11/2010
    العمر: 50
    الموقع: القاهرة

    رد: كرال التركية

    مُساهمة من طرف galal khalifa في الأحد يناير 23, 2011 9:01 am

    gsober كتب:انا كنت هجيب رمسيس جديده ب500 ولا ب600 ونمره واحد
    دفعت 1000 وجبت بندقيه نمره 2 وسريعه بالنسبالى افضل حتى اتعلم الرمايه صح واجيب حاجه انجليزى او المانى


    كلامك صح ومنطقي جدا جدا وحل مثالي في بداية مشوار الصيد بس الناس بتقارنها ببنادق لهل تاريخ زي الجامو مثلا ومش ها نقول ديانا لان في واحد كاتب انها تضارع الدينا 350 ماجنوم .
    والله انت راجل عاقل ومحترم ونظرت الي الموضوع نظرة صحيحة الله يفتح عليك

    gsober

    عدد المساهمات: 43
    نقاط: 45
    السٌّمعَة: 0
    تاريخ التسجيل: 06/01/2011

    رد: كرال التركية

    مُساهمة من طرف gsober في الأحد يناير 23, 2011 8:31 pm

    الله يكرمك يا استاذ جلال
    والله مهما الواحد كان محترم مش هيجى نقطه فى بحرك والله

    mlikhunter

    عدد المساهمات: 1
    نقاط: 2
    السٌّمعَة: 0
    تاريخ التسجيل: 17/04/2011

    رد: كرال التركية

    مُساهمة من طرف mlikhunter في الثلاثاء أبريل 19, 2011 4:14 pm

    انا جربت الكرال وشفتها جيده وقويه ونظامها يشبه الجامو واحتمال فيه انواع تقليد او درجه ثانيه فيها علامة تاج ذهبي ومكتوب عليها مكنم وسعرها بحدود75$-80
    [img][/img]

    galal khalifa

    عدد المساهمات: 604
    نقاط: 773
    السٌّمعَة: 4
    تاريخ التسجيل: 23/11/2010
    العمر: 50
    الموقع: القاهرة

    رد: كرال التركية

    مُساهمة من طرف galal khalifa في الأربعاء أبريل 27, 2011 10:02 pm

    يمكنك مشاركتنا المنتدي الجديد بعد رفعة علي السرفر من خلال الرابط www.grandhunters.com

    eng\ fekry

    عدد المساهمات: 2
    نقاط: 2
    السٌّمعَة: 0
    تاريخ التسجيل: 30/06/2011

    رد: كرال التركية

    مُساهمة من طرف eng\ fekry في الخميس يونيو 30, 2011 11:25 pm

    المادة اللتى بتستخدم مع المسامير علشان متفكش اسمها ودة تلاقيه عند بتوع قطع الغيار بس سعرة غالى شوية وممكن تجيب لصغر حجم منة وتحط نقطة واحدة على السن وبعدين تربط المسمارLoctite 222 or loctite 271 (thread locker

      الوقت/التاريخ الآن هو الأربعاء يوليو 30, 2014 7:10 pm