grandhunters

منتدى الصيد المصرى (منتدى عربى يتناول كل ما يخص الصيد والاسلحه)


    طرق صبد القاروص

    شاطر
    avatar
    عاطف السيسي

    عدد المساهمات : 8
    نقاط : 18
    السٌّمعَة : 0
    تاريخ التسجيل : 25/04/2011
    العمر : 64

    طرق صبد القاروص

    مُساهمة من طرف عاطف السيسي في الإثنين أبريل 25, 2011 2:06 pm

    القاروص ليه طرق كتيرة جدا لصيدها



    ياللا بينا نبتدي على بركة الله

    اولا لازم نعرف شوية معلومات عن سمكة القاروص

    سمكة القاروص من الاسماك اكلة الاسماك مش معنى كده انها بتاكل سمك بس

    ولكن بتحب الاسماك

    ولازم نعرف معلومة مهمة جدا ان القاروص ممكن يضرب على طعمك حتى لو انت مش بترمي عليه مخصوص

    وده كتير بيحصل

    مواسم القاروص

    القاروص ليه موسمين

    الاول : من اول يوليو حتى نهاية سبتمبر (بيكون ضعيف واحجامه صغيرة )

    الثاني: من اواخر اكتوبر لاواخر يناير


    طرق صيد القاروص


    البوصة اليد


    الشعر الاساسي نمرة 40
    الصيد من غير فلة
    الرصاصة بلية صغيرة جدا


    محدش يستغرب لانك حتصطاد من غير طعم ولا سنانير
    اللي حتصطاد بيه ريشة
    ايوة ريشة
    علشان كده الطريقة دي اسمها الترييش

    زي ما قلنا الشعر الاساسي 40

    وتركب الرصاصة وتحتها الريشة ودي بتكون ريشة فراخ عادية وبنختارها تكون من الريش الداخلي يعني المتغطي

    بنجيب الريشة ونربط معاها سلاح نمرة 01 وبعد كده نربط سلاح تاني ونسيب شعر حوالي 2 او 3 سم

    ونربطة معاهم ونيجي على مكان ربط الشعر ونلف عليه شعر حرير (دور واحد ) وفوقهم شيكرتون ونلاحظ اننا واحنا

    بنربط السلاح التاني نخلي حتة شعر طويلة ونعملها خية لان منها حنوصلها في الشعر الاساسي

    وكمان يكون اتجاه الريشة مع اتجاه السلاح بمعنى ان الجزء اللي فيه الريش يكون مع دوران السلاح

    جهزنا البوصة والسلاح يبقى مش فاضل غير السمك

    القاروص سمكة عايمة بتدخل مع الموج

    يبقى كده احنا عايزين موج
    نختار مكان يكون فيه موج عالي ونقدر نقف فيه وكل ما عليك انك ترمي في الموجه وتسحب ايدك معاها ولازم وانت

    بيسحب ايدك توقفها كل شوية علشان تخايل السمكة وتشوف الريشة وهي بتتحرك
    بتلاقي (لو ليك نصيب طبعا) عيل صغير بيسحب منك البوصة

    اتعامل معاه بقى

    بس الطريقة دي مفيش ناس كتير بتستخدمها لانك لازم تنزل تقف في المية في عز الشتا وتخيل بقى شتا ومية

    ساقعة وموج عالي
    بس سمكتها بتنسيك كل ده


    الصيد بالبوصة الماكينة

    القاروص بالماكينة ليه طرق اشكال والوان بس برضة ارجع واقول ان القاروص بيضرب على اي طعم طول ما هو موجود في المية
    لو انت بتصطاد الصبح يبقى ارمي للقاروس بالراباللا
    لو بتصطاد بالليل يبقى حترمي بالطعم عادي ولو موجود في المية قاروص حيضرب عليك
    وحاول تستخدم سلاح كبير يعني نمرة 01 او 02 او 03
    وتعمل سلاحين واحد فوق الرصاصة والتاني تحتها ويكون طولة كبير يعني متر الا ربع تقريبا
    ولازم تخلي بالك واوعى تسيب البوصة وتستنى السمكة لما تضرب
    لازم تفضل ماسكها لان القاروص من السمك اللي بيجري يعني يحط الطعم في بقة ويجري


    الطعم المفضل للقاروص

    الجمبري

    نطاط – عقر – بلانص – شطنارة

    الدود

    قراص – قراص صخر – حنش الطين (بيستخدم في الطرح ) – دود بحر -اسمعلاوي

    السردين

    الموضوع منقول
    #
    avatar
    الصيااد

    عدد المساهمات : 22
    نقاط : 29
    السٌّمعَة : 0
    تاريخ التسجيل : 06/01/2011
    العمر : 44

    رد: طرق صبد القاروص

    مُساهمة من طرف الصيااد في الثلاثاء أبريل 26, 2011 10:31 am

    الموضوع جميل جدا لكن موضوع الترييش صعب علي ناس كتير لان اللي يريش او يخايل علي القاروص لازم يكون صياد محترف لكن انا معاك في طريقة الطعم احسن وطبعا دود الوعر اجمل طعم للقاروص وطبعا الجاندوفلي والسبيط والجمبري الخشابي وافضل وقت لصيد القاروص بالجمبري الخشابي او الجمبري النطاط ساعة الفجر وطبعا لابد من اختيار مكان مناسب لان القاروص بيكتر في مناطق ملتقي ماء البحر بالماء العذب و الساحل الشمالي بالاسكندرية و المواني وطبعا احسن موسم لصيد القاروص بداية من شهر 9 حتي شهر 2 تقبل تحياتي .........
    avatar
    عاطف السيسي

    عدد المساهمات : 8
    نقاط : 18
    السٌّمعَة : 0
    تاريخ التسجيل : 25/04/2011
    العمر : 64

    رد: طرق صبد القاروص

    مُساهمة من طرف عاطف السيسي في الثلاثاء أبريل 26, 2011 11:55 am

    مش انا قولت ان المنتدي ده فيه خبراء لا ده اتضخ انه
    كله خبراءوخبرات جامده ياريتني انضميت له من زمان
    وانا شاكر جدا اخي الصياد علي مرورك
    لك اشد التقدير والاحترام
    عاطف السيسي
    avatar
    galal khalifa

    عدد المساهمات : 604
    نقاط : 773
    السٌّمعَة : 4
    تاريخ التسجيل : 23/11/2010
    العمر : 53
    الموقع : القاهرة

    رد: طرق صبد القاروص

    مُساهمة من طرف galal khalifa في الأربعاء أبريل 27, 2011 9:00 am

    يمكنك مشاركتنا المنتدي الجديد بعد رفعة علي السرفر من خلال الرابط [ندعوك للتسجيل في المنتدى أو التعريف بنفسك لمعاينة هذا الرابط]

      الوقت/التاريخ الآن هو الأحد أكتوبر 22, 2017 8:54 pm